សូមរំលឹកឡើងវិញបន្តិចផងដែរថា អ្នកនាង Love Riya និង លោក ហេង គីមហៀង បានសម្រេចចិត្ត ចូលរោងការជាមួយគ្នា តាមប្រពៃណីខ្មែរហើយ ក្រោយមើលចិត្តគ្នាបានមួយរយៈខ្លី កាលពី ថ្ងៃទី ១៥ ខែធ្នូ ឆ្នាំ ២០២១ កន្លងផុតទៅថ្មីៗនេះ ។ កម្មវិធី ដ៏អធិកអធម នេះ ត្រូវបានរៀបចំ និងធ្វើឡើង នៅឯ គេហដ្ឋានខាងស្រី ដែលស្ថិតនៅ ភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល។
ក្រោយរៀបការរួច គេឃើញ អ្នកទំាងពីរ តែងតែបង្ហាញ ស្នាមញញឹម ក្តីសុខ ក្នុងគ្រួសារ ដ៏តូចមួយរបស់ខ្លួន ពិសេសជាមួយ ទែនទែន កូនស្រីសំណព្វចិត្ត តែម្តង ព្រមទំាងនាំគ្នា ដើរលំហែកាយ តាមទីកន្លែងជិតឆ្ងាយ មិនដែលដាច់ឡើយ មើលទៅគួរឲ្យច្រណែនខ្លាំងណាស់ ពិសេស Love Riya កំពុងមានផ្ទៃពោះកូនប្រុសទី 2 ហើយ ជាមួយ លោក គីមហៀង ស្វាមីក្រោយ ធ្វើឲ្យ អ្នកទំាងពីររំភើបចិត្តស្ទើរហោះ ព្រោះការប៉ងប្រាថ្នារបស់ខ្លួន បានសម្រេចហើយ។
មកដល់ម៉ោងជាង ១២ រំលងអាធ្រាត ចូលដល់ថ្ងៃទី ៣០ ខែកញ្ញា ឆ្នាំ ២០២២ គ្រប់គ្នាភ្ញាក់ព្រឺតសារជាថ្មី ក្រោយ ឃើញ Love Riya មកដល់មន្ទីរពេទ្យ ត្រៀមសម្រាលកូនប្រុសទី 2 នេះ ហើយ Love Riya បានប្រាប់ក្នុងការ Live ថា ខ្លួន ទើបមានទម្ងន់ ចូលក្បាល 7 ខែប៉ុណ្ណោះ តែមានអារម្មណ៍ថាកូនក្នុងផ្ទៃជិតកើតហើយ ទើបនៅមិនសុខ ក៏សម្រេចមកមន្ទីរពេទ្យបែបនេះ។
Love Riya បានបង្ហោះរូបភាពប៉ុន្មានសន្លឹក រួចភ្ជាប់សារខ្លីមួយថា “ចាក់មិនទាន់ចូលទេ បងអូនអើយ ស្អែកម៉ោង6ព្រឹក ឡើងជ្រុញហើយ សុំពាក្យជូនពរម្នាក់មួយមកបងអូន”។
មិនទាន់អស់ទេ ខណៈមកដល់ពេទ្យ Love Riya ក៏បានពិនិត្យផ្ទៃពោះម្តងទៀត រឹតតែឃើញមុខកូនប្រុសច្បាស់ៗតែម្តង ពិសេសមានច្រមុះស្រួចស្អាត ដូចប៉ាៗគេខ្លាំងណាស់។ ឆ្លៀតក្នុងឱកាសនោះ លោក ហេង គីមហៀង បានទំលាយឈ្មោះកូនប្រុសរបស់ខ្លួនចេញហើយ ពីរោះណាស់ដាក់ថា “ហៀង អារីយ៉ាផាយុ “។ លោកបញ្ជាក់ថា “ម៉េចដែរបងអូនដូចអត់? ហៀង អារីយ៉ាផាយុ ប្រុសតន”។
លោកបានបន្ថែមថា “សូមកុសល្យផលបុណ្យ ដែលខ្ញុំបានសាងទាំងប៉ុន្មាន ខ្ញុំសូមជូនពរអោយម៉ាមី និងកូន មានសុខភាពល្អ សុវត្ថិភាព ទាំងពីរនាក់រហូតដល់ថ្ងៃសម្រាលផងណា”។
ដើម្បីជ្រាប កាន់តែច្បាស់បន្ថែមទៀត សូមមើលមុខមាត់ កូនប្រុស Love Riya ក្នុងផ្ទៃទំាងអស់គ្នា ៖
