មាន ពុកម៉ែ បងប្អូន ក៏ដូចជា ហ្វេនៗ ភាគច្រើន ពិតជាស្គាល់ច្បាស់ ជាក់ជាមិនខាន អ្នកនាង ចាន់ កែវនិមល នោះ ដែលជា ពិធីការិនី ដ៏ល្បីមួយរូប មិនត្រឹមតែ ពូកែលេងពាក្យសំដី នោះទេ បើនិយាយពីសម្រស់ និងការតុបតែងខ្លួនវិញ ពិធីការិនី រូបនេះ មិនឲ្យចាញ់តារាសម្តែងល្បីៗ ឡើយ។
បច្ចុប្បន្ន ពិធីការិនី រូបនេះ និងស្វាមី កំពុងសាងក្តីសុខ ជាមួយគ្រួសារដ៏តូចមួយរបស់ខ្លួន ព្រមទំាងបានផ្តល់ភាពកក់ក្តៅយ៉ាងខ្លាំង ជូនកូនស្រីសំណព្វ តែម្នាក់គត់ គឺទេពី ដោយតែងតែនាំទៅលំហែកាយ និងញុំាអាហារ តាមទីកន្លែងជិតឆ្ងាយមិនដែលដាច់ឡើយ ជាពិសេស ពេលនេះ និមល កំពុងពពោះ កូនប្រុស ម្នាក់ទៀត បាន ៧ ខែហើយ តែសុខភាពម៉ាក់រូបនេះ ល្អណាស់ និងរូបសម្រស់វិញមិនបាច់និយាយទេ ស្អាតជាប់ជានិច្ចអ៊ីចឹងហ្មង។
ចំណែកកាលពី ថ្ងៃទី ១៩ ខែកញ្ញា ឆ្នាំ ២០២២ និមលបានទៅពិនិត្យផ្ទៃពោះម្តងទៀតហើយ ស្រាប់តែឃើញ ច្រមុះកូនក្នុងផ្ទៃ ឡើងស្រួច ស្អាតណាស់ ដល់ថ្នាក់ គ្រប់គ្នា ទប់ចិត្តមិនជាប់ក៏បានចូល comment ត្រង់ៗថា ៖ច្រមុះអូនលេចធ្លោណាស់បង, ច្រមុះ ដូចកាត់មករកអ៊ីសាំង, កូនកំលោះតូច ច្រមុះអរ អរណាស់, ច្រមុះនេះ បើកូនស្រីវិញ មិនបាច់ចំណាយលុយទៅកែទេ idol អើយ, ទេពទីបានប្អូនប្រុសហើយ, ច្រមុះស្រួច កាត់រកប៉ាៗបាត់។
អត់ទាន់អស់ទេ នៅមុននេះបន្តិច នាថ្ងៃទី ០១ ខែតុលា ឆ្នាំ ២០២២ ចូលដល់ខែថ្មីភ្លាម និមល និងស្វាមី នាំកូនស្រី ថតរូបជុំគ្នាជាច្រើនប៉ុស្តិ៍ ខណៈខ្លួនកំពុងពពោះ ជិតដល់ថ្ងៃសម្រាលហើយ រួចដាច់ចិត្តទំលាយឈ្មោះ កូនប្រុសកំពុងនៅក្នុងផ្ទៃទៀត ពីរោះណាស់ ដាក់ថា “ចេស្តា”។
ពិធីការិនី ដ៏ល្បីរូបនេះ បានភ្ជាប់សារខ្លីមួយបន្ថែមថា “រីករាយខែថ្មី ពេលវេលាពិតជាលឿនមែន សល់តែ២ខែទៀត គ្រួសារយើង នឹងទទួលបានសមាជិកថ្មីបន្ថែម ជួបគ្នាឆាប់ៗប្រុសពៅ ចេស្តា”។
ឃើញបែបនេះ អ្នកប្រើប្រាស់នៅក្នុងហ្វេសប៊ុក មិនតិចនាក់ទេ បានចូល comment ព្រាតថា ៖ ម៉ាក់ៗដូចក្មេងជាងមុនទៀត, បែកធ្លាយឈ្មោះហើយ, សុំសរសើរបងហើយ មានទម្ងន់ហើយ នៅតែស្អាត, មើលហើយក៏មានក្តីសុខណាស់បង, Mommy រាងស្អាតសហាវ។
ដើម្បីជ្រាប កាន់តែច្បាស់បន្ថែមទៀត សូមមើលរូបភាពខាងក្រោមនេះ ទំាងអស់គ្នា ៖
