គួររំលឹកឡើងវិញបន្តិចផងដែរថា កាលពី ថ្ងៃទី ២៨ ខែសីហា ឆ្នាំ ២០២២ កម្មវិធីប្រឡងចម្រៀង លំដាប់ពិភពលោក Cambodian Idol រដូវកាលទី 4 បានរកឃើញម្ចាស់ពានហើយ គឺបានទៅលើ លីម តិចម៉េង ដោយទទួលបានការបោះឆ្នោតច្រើនជាងគេ ក្នុងចំណោមជើងខ្លាំង 3 រូបទៀត គឺ ស៊ឹម ច័ន្ទពន្លឺ, ថុល សុភិទិ និង នាង ដាវីន លាយឡំសំឡេង ស្រែកចង់បែកឆាក ពេលពិធីករ ជា វិបុល ប្រកាសលទ្ធផលនេះចេញមក។
ក្រោយបានពាន តិចម៉េង បានបង្ហាញខ្លួនកម្មវិធីផ្សេងៗ មិនដែលដាច់ឡើយ ចាប់តំាងពីកម្មវិធីតូច ដល់កម្មវិធីធំ អមដោយស្នាមញញឹម គ្រប់ពេល ដោយមិនខ្លាចនឿយហត់ ពិសេស មានហ្វេនៗ ចាំថតជាហូរហែ មិនដែលដាច់ឡើយ។
ចំណែក កាលពី ម្សិលម៉ិញនេះ នាថ្ងៃទី ០៤ ខែតុលា ឆ្នាំ ២០២២ តិចម៉េង បានបង្ហាញខ្លួន នៅភោជនីដ្ឋាន មួយកន្លែង នៅខេត្តបាត់ដំបង ហើយក៏បាន បកស្រាយចម្រៀងជាច្រើនបទសុទ្ធតែពីរោះៗ។
ច្រៀងចប់សឹងមិនទាន់ ដោយសារតែឃើញ ហ្វេនៗ សម្រុកមកគាំទ្រខ្លួន ច្រើនលើសលប់ពេក ធ្វើឲ្យ តិចម៉េង នៅលែងសុខហើយ ក៏បានលុតជង្គង់ សំពះ អរគុណគ្រប់គ្នា ទំាងរំជួលចិត្ត ដល់ថ្នាក់ស្រក់ទឹកភ្នែក ហើយនិយាយ ទំាងអួលដើម.ក ថា “ខ្ញុំបាន លីម តិចម៉េង សូមធ្វើការថ្លែងអំណរគុណដល់បងប្អូនទំាងអស់គ្នា នៅទូទាំងប្រទេសដែលគាំទ្រចំពោះខ្ញុំបាទ…”។
មិនទាន់អស់ទេ ឃើញទង្វើរបែបនេះ ធ្វើឲ្យ អ្នកបានមើលវីដេអូនេះរួច និយាយថា ៖ idolតូចអើយ អរគុណហ្វេនទាំងទឹកភ្នែក, នេះហើយអាយដល ដែលខ្ញុំស្រឡាញ់ មិនខុសមែន ចេះឲ្យតម្លៃដល់ហ្វេនៗណាស់, មើលហើយទឹកភ្នែកហូរអ៊ីចឹង, ខ្ញុំគាំទ្របង មិនខកបំណងមែន បងម៉េង, អាយដល ក្នុងចិត្ត។
នៅមានពាក្យពេញចិត្តជាច្រើនទៀត ពេលឃើញសកម្មភាពដ៏គួរឲ្យសរសើរនេះ។ ដើម្បីកុំឲ្យចាំយូរ តោះទៅមើលវីដេអូខាងក្រោមនេះ ៖
